wanhoisecret
patreon
東京五反田
🕑 Added 2018-11-19 00:30:54 +0000 UTC 「旅遊資訊」：話說今次去東京住咗係一個從來都未住過嘅地方：五反田！都有少少驚喜，首先喺成田機場坐JR可以直接去到品川，好方便轉到山手線坐多兩個站就到五反田，今次我入住一間叫做五反田三井花園酒店，酒店非常之新房間亦都比我想像中大，Reception喺15樓，買狗屎垃圾返酒店食都冇人會見到！聽聞頂樓仲有大浴池不過我唔使用!到達山手線五反田站，走到月台盡頭的池上線方向再入商場，可以搭升降機去到地面一樓超級市場位置走出旁邊小巷，會見到幾間食肆直行轉左，見到間Lawson, 上邊就係間酒店，所以落機攞住行李就一直都會有電梯同升降機使用，非常方便！酒店四周除咗Remy商埸、超級市場之外，四周有大量餐廳食肆，喺大街行遠少少，仲有間二十四小時超級市場，而且喺呢個站嘅JR Office，近乎冇人排隊，換火車票就非常之開心！如果你唔係執着一定要住新宿、池袋、涉谷，呢個地點及呢間酒店OK喎！
Comments
我老婆七月去時都係住呢間，晚晚去超市買到一袋二袋返房食
成千蚊一晚
還有很著名的皇后花園也在東五反田的民居，一般住這邊的人都是中產富有的，治安也較新宿，池袋好
剛於10月頭,我是住係東五反田朋友的家，附近是印尼大使的官邸等，五反田晚上是著名的紅燈區....
已離開
@@ 我係五反田返工的 唔知有無機會見到你呢
三井花園d酒店間間都靚！房間面積係東京黎講算大！但個廁所板一行個就自動打開，搞到成日以為有野係入面！
謝謝分享
池上線沿途好有市井風情，尤其係戸越銀座商店街，值得去下<a href="https://seikatsumeisho.com/" rel="nofollow noopener" target="_blank">https://seikatsumeisho.com/</a>
之前去大阪都住過三井花園，都幾好啊，又係樓上有大浴池，都係冇浸XD，唔知你感hard sell完之後，會唔會爆到下次冇房book呢
如果見到第三套... 就真係見👻。 😄
有兩套睡衣😏😏😏
