wanhoisecret
patreon
New Age嘅廣播處處長
🕑 Added 2018-11-12 02:20:03 +0000 UTC 要講下喺行內都相當不受歡迎嘅現任廣播處處長梁家榮先生， 我本身完全唔認識，當然全香港市民都認識佢喺，立法會解讀亞洲電視新聞部點樣報錯江澤民逝世消息…… 之後就戲劇性做咗 廣播處處長！點解忽然間要講佢，係因為近排我同佢一個前下屬傾開偈， 先知道呢個人原來古古怪怪、神神化化！梁家榮先生好多年前曾經喺經濟日報工作，主要負責出版事業， 以佢就經常同下屬聲稱自己識氣功，自己練咗幾十年！識氣功唔係有問題， 最頂癮係，佢下屬(男)有次大感冒， 梁家榮就衝埋去同佢講自己識得用氣功去醫病，就主動向佢進行氣功按摩，下屬後來表示又真係大有改善喎！ 你啲行為既不智又不文明！ 你下屬病又唔叫人睇醫生放假，反而自己去幫人氣功按摩？！若果係女下屬就已經告咗你性騷擾喇！不過有冇女下屬試過就不得而知！而消息指， 梁家榮經常同身邊認識嘅人玩算命！ 當然佢係話畀人哋聽佢學咗幾十年！ 有曾經幫下屬算命 、測流年！聽落成個江湖術士咁， 會唔會當年佢係算到江澤民會死，所以報新聞呀？！😂點知江澤民命硬！Comments
我阿媽都話識XDD
原來以前有試過直播！ 我仲以為係新鮮事，我認知嘅ktsf26係早幾年至直播。 不過有d搞笑野。話說，大約兩年前，蘋果apple.inc搵電台電視台嘅人幫Apple approve app. 睇下d app 有無問題。 年前
講開氣功，話說我中學有個教聖經嘅阿sir, 成日話自己識氣功。有次喺班上想表演一次，搵了一個同學出來，運功後放隻手係佢隻手上，然後問佢 feel 唔 feel 到有股熱力流入去。這位同學話有。然後繼續問多兩三個同學，個個都話 feel 到。後來佢地講返，話乜都 feel 唔到。
江澤民個八字係真係假，都未必好多有人知。😏 #國家機密
記得90年代梁家榮同斯美玲喺三藩市嘅一個少數族裔電視台(KTSF)嘅一個時段做新聞主播 當時係好自豪咁話係全球唯一海外粵語直播新聞 因為直播 所以耐不耐就會有啲「蝦碌」嘢出現 當年主要係用亞視嘅新聞片段再加一啲SF Bay Area 嘅local新聞
有無同你氣功按摩？
佢係我第一個老細, 得佢肯俾我破格做啲嘢, 我後面條路先比其他同學容易行好多, 而家唔喺呢一行, 我都仍然好感激佢
香港真係好多呢啲離奇老細
😂😂😂😂😂😂多謝你為前老細澄清
咁似黃偉民做嗰啲嘢嘅？
補充返少少，當時佢有叫我睇醫生同放假呀，只係嗰時返到公司勁唔舒服，所以佢先幫我按頸嗰啲穴位。
