wanhoisecret
patreon
娛樂圈吹水
🕑 Added 2018-11-24 22:43:47 +0000 UTC 尋晚喺東京約咗何兆基去咗居酒屋食嘢傾計長達三個半鐘，當中當然傾到好多娛樂圈秘聞，同埋都係我嗰句一人有一個鬼故！話說佢講到早幾年同佢老婆喺東京住喺池袋sunshine city prince hotel，我當時就話呢間係日本最猛鬼嘅酒店喎！佢就話果次入到房間發現床上邊有一幅好大型嘅畫係一個女人着住紫色袍打側望住張床，好奇怪，感覺好唔舒服，於是走到前台話希望可以轉房，但係乜都唔講，前台話今日酒店冇房轉唔到，咁何兆基唯有返返房啦，過咗一陣酒店職員竟然上房叫人攞走這幅畫！但係何兆基真係冇講過任何野，但酒店就已經知道係幅畫累事！至於娛樂圈祕聞，咁我又爆一單啦！話說有一個外表英俊又火熱嘅男歌手，其實私底下係一個好鬼懶惰好鬼軟皮蛇嘅人，佢早排結婚，婚後嘅生活簡直笑出聲，由於男歌手喺屋企好鍾意打機， 打到連飯都唔食，愛到佢癲嘅老婆就將煮好嘅飯一匙羹一匙羹咁餵向打緊機嘅老公，直頭食殘廢餐！😂但係我唔會同大家講嗰個歌手係邊個嘅！費事破壞大家形象啦！我都好鍾意呢個男歌手㗎！
Comments
國貨城？
同意。有一排佢仲臉脥凹陷，成個白粉友咁。同埋佢唔紅/火熱囉
但係陳柏宇一啲都唔英俊喎
依間嘢我都領教過
我諗係陳柏宇 記得有次睇佢啲訪問一講到打機佢勁興奮
陳拍乳?
並不是謝檸檬
“令人不安@畫”會唔會減少偷竊？ 令住客感覺到有“人”看著他們。Mean: eyes on you, don't do anything bad! I'm watching you. (估估下） 如果擺“夢蘿莉莎的微笑”，可能有同樣嘅視角效果。 會唔會減少令人不安呢～ 不過被（住客）搬走的機會大增！ XD
雲海話「早排結婚」喎......
吓......呢件事唔係秘密喎，你講嘅係謝檸檬嘛，早幾年未離婚前已經係大台訪問有人講笑咁講咗出嚟啦，唔記得係檸檬阿妹講定經理人講lu
池袋太子。。諗起都驚。
生了bb那位?
愛既力量
早排結婚🤔
一定係陳生啦😂
香港有靚仔男歌手？🤔 鍾意打機又懶……鄭伊健？ ……………… 我唸左大半日，香港靚仔的男歌手得周柏豪，佢都算剛結婚。但鐘意打機又好鬼懶的一定係鄭伊健😂😂 其實大部份娛圈人都係醜樣路人樣。 天然系靚仔得張國榮。整容後靚仔得霍建華。
我無講邊個喎
果個男歌手係我最喜愛的男歌手黎㗎 竟然😨😨
