wanhoisecret
patreon
叱咤樂壇
🕑 Added 2018-12-01 03:21:33 +0000 UTC 真係想講下叱吒樂壇，要知道我喺商台做主持嘅時候佢哋從來都唔當我係自己人㗎！逢星期二上晝903所有DJ開會我係從來都冇份㗎！個會其中一個最重要嘅目的就係903高層會畀佢哋一張紙， 裏面有song list， 就係指定佢哋喺未來一個禮拜要播邊啲歌甚至要播得幾多，可以話全部都係做馬！我點知？因為有超過兩個主持親自畀我睇過嗰張紙， 甚至親口同我講：「點可以印呢啲字出嚟㗎？畀記者攞到，903仲有聲譽嘅！」我當時心諗903一向都冇聲譽㗎啦！而我嘅監製就強行喺我嘅摩星嶺4號插播歌曲， 我後來知道，我就好不滿，將播歌權搶番畀自己！ 我手頭冇song list㗎，我鍾意播邊首就播放邊首！所以我每年都可以全首mastamic 播曬！人哋邊有錢買通你哋呀！我最鍾意支持小眾㗎喇！ 而我後來聽到個傳聞係叱吒樂壇頒獎典禮最後嗰幾個鐘頭，唱片公司仲可以競投俾錢買最終大獎！ 不過後來有娛樂圈高層同我講：「雲海你錯啦，冇咁掹水嘅！ 幾日之前啦！」哦！屌！商業電台嚟㗎！Comments
唉~曾經一票難求又感動嘅叱吒頒獎禮已經搵唔番喇~
我都試過⋯⋯903 重播某啲主打歌，都聽到想嘔
之前都聽過梁思浩、李麗蕊講港台都有類似情況，李話過陣聽that’s why u go away 聽到想嘔
雲海吒叱風雲十大中文金曲頒獎禮2018
當年話羨慕台灣有金曲獎（雖然唔知有冇造馬），香港五台仲研究香港可唔可行做一個類似，較有「公信力」的頒獎禮。 結果開過幾次會，跟本舊肥豬肉都分唔勻，仲兼夾可能分完賺少左，最後咪又係繼續各又各做。各台頒獎禮都係，只有「市場」，沒有「音樂」。
晒鳩氣啦商台，家下買完廣告都無人聽嫁啦，要支持就支持獨立自己製作音樂人啦
其實香港樂壇多數做馬。新城除外，豬肉獎人人有份
商台,柳記... 方丈真係好小氣㗎🤣🤣
對佢地黎講係生意，對我地黎講娛樂黎姐，睇完聽完場show咪算
蕭生當年都公開串龍哥老竇買獎比佢啦..即刻比人封殺幾年先起番..其實呢d根本全世界都知造馬架
話明係「商業」電台嘛，梗係以商業原則營運啦！（掙在佢冇學毛記咁去上市咋！）
商台高層最錯係乜？就係同你反咗面！所以你宜家咪無obligations幫佢地守住任何秘密囉，呵呵呵😄 請三少繼續爆，呵呵呵～ 🥳
我諗呢個係公開既秘密，係人都知，十幾年前仲聽電台的時候，就留意到年尾近頒獎禮時，有歌係個個節目都播，甚至唔止播一次，造馬造得非常明顯。
馬米同Heyo我都係聽你播完買碟👍🏻
預左XD
古天樂入五強好on9
