wanhoisecret
patreon
電視劇陰謀論
🕑 Added 2019-01-19 00:33:11 +0000 UTC近日網上流行10years challenge ，果日有朋友同我講懷疑係有關當局收集面部辨析嘅幕後動機，其實我都幾認同！我覺得而家呢個世界最有趣嘅地方係我哋差唔多將所有嘢都擺上去數據數碼，而當權及擁有能力嘅大財團係可以有晒我哋所有資料！所以之前有人問我有冇睇到Netflix 嘅back mirror 最新嗰集？我有，我仲好小心好小心睇同玩添，故事由觀眾選擇劇情同結局一啲都唔係新鮮，80年代博益嘅小說已經係咁玩㗎啦！但呢次我好明顯覺得係背後有人喺度做緊實驗，首先佢係叫觀眾選擇一啲雞毛蒜皮嘅嘢例如主角早餐食咩麥皮？就一步一步叫你去選擇一啲比較敏感嘅題材例如殺唔殺佢老竇？你跳樓定我跳樓？所以我特登揀唔殺佢老竇，但最終編劇都係要夾硬殺佢老竇！咁我就知道其實係有人蒐集緊數據！而且你睇完呢套劇就可以分析呢個人來自邊個地區乜嘢背景之後分析佢點解要選擇嗰啲最敏感嘅行為。若果我係美國政府我就攞晒大數據㗎啦！當然我相信玩嘅人絕大多數唔會咁諗！
Comments
咁玩心理測驗 咩九形人格 都可以係收數據嘅一種bo
咁個大數據咪記錄左你係俾咩你食咩野嘅人囉！
ampm
我由選擇係主角自己屋企做遊戲開始，有咩選擇都唔選，現後佢會自動幫你選，如果去到某一啲結局佢又會自動返去某一個特定場景，要你再選，一次又一次我都等時間過，然後自然會去左另一個選擇。最後我等到出credit, 再唔畀選擇我。
正片
我睇嗰時只係亂click. 左右左右咁
其實大家為什麼那麼出奇，這十年，大家都把相放到SOCIAL MEDIA，仲可以TAG 個FRIEND，然後在2013-2017年你要LOGIN，如果說在你日常不同的工具LOGIN時，你就要以認你朋友的相來LOGIN，來証明那是你，而不是HACKER時，其實就間接幫左FB的AI做「認樣」這個功能了，你以為真是為了你好嗎，別傻了。
好似FB以前嗰啲乜乜心理測驗app
10years challenge 想法絕對認同！冇用電話face id 的都可以收集返你個樣！舊有的又可以更新返數據庫個新樣
乜可以玩既咩？要用電腦睇至玩得？我部電視機係咪太舊？睇來我要睇多次睇下點㩒了！
自從互聯網越來越普及，啲人嘅私隱意識就越來越薄弱，乜都公開放晒上去，好似 Facebook， Instagram， Twitter等等。仲有網購都不斷收集你嘅數據，所以所謂啲民意調查訪問收集資料做完調查後會消毁，其實我一啲都唔信。如果有人係背後，想操縱社會上政策民意等，根本就易如反掌。（除非嗰果係豬政府高官）
