wanhoisecret
patreon
高街鬼屋命案
🕑 Added 2019-02-12 01:00:02 +0000 UTC「另異新聞」：昨日早上九點鐘人們發現一位首日在到西環高街2號，人稱為「鬼屋」的西營盤社區綜合大樓返工之男保安員倒卧梯間，昏迷不醒，警方及救護員接報到場，證實男子已明顯死亡！死者56歲姓鍾，據悉有心臟病及哮喘病紀錄，警方事後撿走藥物調查及翻看閉路電視，消息指他是替更保安員，2月10日晚上11時首天到上址開工，凌晨1時左右在上址巡邏，其後未有返回保安室，至早上被發現倒卧梯間。家人早上8時曾致電找死者，但未能聯絡上，曾報警！西營盤社區綜合大樓，人稱「高街鬼屋」，建於1892年，二次大戰時，香港淪陷，日軍以此建築物作為刑場，而位於醫院前面的佐治五世公園則曾經是一個亂葬崗，因此在這裏不時會有一些靈異傳聞。戰後繼續成為精神病院，因為當時醫術沒有今天那麼先進，精神病人通常都是進院「等死」，後來高街鬼屋被改建成綜合服務大樓，第一日開幕參觀嘉賓就已經困lift！非常之邪！
Comments
高街係擁有無限的鬼故
有親戚以前住隔黎街，佢話當時每次放狗經過，隻狗都會對住鬼屋方向狂吠。
幾年前放大假，曾經同媽媽去那區行吓，因為我都幾鍾意睇舊建築物，仲要去影吓相㖭！！不過嗰間綜合大樓，我只係係地下嗰層行過圈，因為覺得好陰暗，我媽咪仲不斷話要走，佢話感覺好唔舒服；之後返到屋企，佢病咗好耐先好番。（當日仲有件奇怪事發生，我用手機影棟建築物外觀，但唔知點解部手機一影就息機，幾次都係咁。之後，我用媽媽嗰部就冇事。好奇怪）
後悔細個時無偷入去參觀⋯嗰時成班十二三歲（93年）喺零晨時份、高街鬼屋出面行黎行去話入去又無人敢入去⋯諗起都覺得好笑⋯
我成日都經過...
可能咁岩得咁橋，未必同靈異有關呢。
好鬼邪
成個西區呢個星期內幾單跳樓都邪邪地，好奇怪每次有跳樓案發生梗係有2，3單在短時間內發生
真係邪喎
現代醫術先進，但現在香港的醫護人員的人手比例和病人如戰地，入院可能比高街更可怕的「等死」……
Kel Lee
琴日下晝先經過=_=
