wanhoisecret
patreon
深水埗故事
🕑 Added 2019-02-07 03:37:29 +0000 UTC每年農曆新年三日假期我都一定去深水埗睇所謂瘋狂地攤，真係瘋群而出㗎！但今年真係要講下一啲痴線故事，話說今年年初二有地膽陪我行，先知道原來今年有黑社會喺度搞搞震！話說長沙灣道對着大馬路行人路每年農曆都會擺滿來自各方各地嘅地攤，有窮人有老人家亦都有個體戶小店，但今年香港著名黑社會團體和勝和，竟然到場恐嚇呢一邊嘅地攤攤主要佢哋搬走，因為佢哋自己要擺攤賣舊衣，首先呢個情況已經夠諷刺，你班黑社會低裝到要賣舊衣？原來過去一年佢哋利用南亞裔人士去到各大小屋邨用恐嚇形式叫人賣啲舊衣比佢哋，之後就諗住喺呢邊新年賣，因為約定俗成農曆新年三天假期深水埗所有地攤食環署係唔會執法！咁當然好多地攤唔會理佢哋啦！搵食啫！點知勝和班人就自己走去報警，警察嚟到趕地攤同埋對開嘅地攤車！有冇搞錯啊！識唔識江湖規矩㗎！你本身黑社會走去報警？！真係比上一代黑社會知道頭都打甩你啦！即係黑社會一代不如一代！
Comments
而家D所謂黑社會真係好核突
Ever Future
警犬本身就係黑社會啦
Chan Sun
我層樓都有，都係新移民廣東話都吾正但開左樓上賭檔
而家黑字同警字已合而為一啦，有乜奇怪！
如果今日年初三，而今日黑社會又出黎係街擺攤檔，而我報警。 你估差佬會唔會做野？
喺某屋邨
令我諗起身邊一個故事，話說隔離屋住咗前一個新來港婦人，肯捱肯博，最近聽屋企人講佢同人合資喺冇屋邨搞間樓上麻雀賭檔（當然係非法），仲生意唔錯。但屋企人話佢開檔一年有多，都幾順利，原因係個賭檔有交「保護費」畀差佬，而且收費都幾高昂。我想再問多啲嘅時候，屋企人就唔願多講
搵唔到食關二哥都照出賣啦，邊有分警唔警察
今日初三以為有格羅兹尼添。期待。😀😇
好賤格! 香港真係沉淪!
唔止法律，連江湖規矩都唔再存在。哀哉！
究竟依家香港警隊裡面有幾多個劉健明？
呢d算唔算禮樂崩壞？唉，真係人都癲。
