wanhoisecret
patreon
電視機陰謀論真相
🕑 Added 2019-04-14 04:30:40 +0000 UTC早兩日同美國一個朋友傾開電話，佢表達左一啲都令我同佢都幾震驚嘅現實發生嘅事！講小小背景先，佢已經喺美國生活左30幾年，係一位香港過去嘅移民，以前對於一啲城市傳聞都未必太相信，話說早個月，佢一起身去到客廳扭開個電視，個電視係中國製嘅牌子（相信因為平所以佢買），電視一着咗，並唔係出緊唔同電視台嘅畫面，而係黑底白字文字，文字表示：「由於我哋之前集團同當地美國政府打輸咗官司，依家就希望用家提供電話號碼，未來一個月內將會將賠償款項傳俾你地！」至於係乜嘢官司佢都講得好清楚，就話說原來一直以來用緊呢個牌子嘅電視嘅觀眾係比呢間集團監察緊觀眾嘅一舉一動，並且在集團內存放檔案，後來唔知比乜嘢人發現咗就告訴美國法庭，指出呢間中國公司侵犯個人私隱！嘩！真係嚇鬼死我朋友，首先一個中國牌子嘅電視機原來可以監控觀眾一舉一動已經好恐怖，咁資料係咪會送俾中國政府呢？有冇講清楚！官司完咗之後會唔會將資料毁滅呢又冇講清楚？你依家再問人攞電話號碼又係咪再攞人哋私隱呢？而最抵死係過多一個禮拜，個電視機又出現黑底白字文字：「由於而家已經官司結束我哋已經答應賠償請你按以下接受繼續收看電視節目！」即係話你知若果要睇電視就要接受呢間中國品牌電視繼續監控你不過依家話咗你知！」坦白講若果我係佢我會掉咗個電視換部新嘅，但可能換美國牌子一樣會出事！依家個世界真係好恐怖！各位男嘅讀者，若果你有喺電視機面前打過飛機..............！完！
Comments
其實電腦前置鏡頭一樣被人偷窺。 去醫院，好多醫生的電腦鏡頭一定有塊貼紙，封住鏡頭
既然都洗濕咗嗰頭，不如索性去日本創一番事業先。
試過...
你有冇試過先😂
最尾笑左 😂😂 好彩冇試過
之前有報道過samsung都係咁
我聽過有啲電視同機頂盒會有後門程式，利用用家嘅網絡hack入指定網站
今次真係要做完愛……回家
等同於受害者接受俾錢賣個人資料
我屋企都無電視📺
係美國，有乜唔係made in China! 雖然係比10年少咗（因為我盡可能唔買中國貨，香港除外）
"大"米牌??
宜家電視係半部電腦，又可以上網睇youtube，依大陸佬個腦袋實裝咗某程度嘅spyware，不過好就好在會做埋呢啲通知客戶嘅蠢事，自己識得unplug啦！
我有個朋友唔睇電視，屋企無電視，今次佢贏左🤭
其實同俾人hack入電腦一樣，電腦都話有得裝防毒，電視真係防不勝防
所以之前的樂X 和而家的 MyTV SuXer 送埋機頂盒俾你裝喺屋企, 唔係有鬼就奇
是否可上網的電視，如Android TV？
其實好多野都made in China 🙈
無中國牌子電視機定無打飛機？！
不過由睡房玩到客廳或者睡房有裝電視機既就...............
大劑
好彩我無.......
