wanhoisecret
patreon
自我審查的電郵
🕑 Added 2019-05-15 12:03:58 +0000 UTC其實星島都忍左我好耐㗎啦！話說兩年幾前，佢哋有專欄作家因為病寫唔到，佢哋個老總自稱係我粉絲，叫人搵我幫佢哋寫專欄，當然冇問題啦！結果寫咗大約半年，佢哋發現我寫咗好多鬧香港政府同鬧中共嘅嘢，就叫叫過執行編輯打電話俾我叫我寫返古靈精怪野，講到明老細唔高興！最蠢係佢哋仲要補個email畀我！白紙黑字自我審查喎！白紙黑字控制言論自由喎！我當時諗，你cut專欄嗰日我就post俾大家睇！仲有，你個副刊老總若果真係我嘅粉絲，你都知我一向都鬧佢地㗎啦，咁你繼續搵我寫專欄係咪犯賤呢？！不過慘在我從來都唔想同香港傳媒有衝突，就係佢哋點都容納唔到我呢啲寫真相嘅人，其實除咗琴日上蘋果live觸動左佢神經之外，其實早幾日我篇專欄寫西非，指桑罵槐咁寫咗做傳媒係要寫真相㗎！唔可以呃人㗎！你哋啲老細點會鍾意睇啊！都忍受多左我年半㗎啦！多謝星島！
Comments
確實係一樣
睇完個電郵，腦海忽然出現一大把聲：「離題呀！離題呀！你離題呀！！」嘩好靈異。罪名又係離題呀！！天下烏鴉一樣黑！
偽粉老總 😀
佢封email都醒呀，一個字都冇提過關政治政府事，叫"重回正軌"
提起03年。嗨，真係好想可以返到去03年或之前去 fix 自己年少無知做錯嘅決定....
其實冇可能仲會有媒體夠膽容納自由架啦。博拉咩...除非你幫台灣人寫專欄囉。
Vincent Cheuk Yin Lam
香港係冇言論自由咗好多年，冇一間傳媒容納到真話，同講真話的勇氣
Vincent Cheuk Yin Lam
我記得雲海都批評過新一代記者，其實未必係冇料，睇嘅嘢少，係費事寫。寫得多，一來有變化更新唔夠快，俾人話錯，二來呢樣敏感果樣敏感，三來管理層都唔會負責，一同官方唔同就驚死，點自己做資料搜集搵source，所以都係果句，只有做同唔做嘅選擇
Vincent Cheuk Yin Lam
再扯遠啲，其實香港記者，只有得選擇做定唔做，做，你寫乜點寫都冇控制權。好似無綫咁，記者出去做紙版，放咪打卡，稿都係入面寫，唔跟咪要你走
總之你去邊度落腳，即日鮮又好長駐又好， 我就跟到實，完
Vincent Cheuk Yin Lam
星島就算啦，03年71遊行後，被人大整頓，已經唔係20年前親民國嘅星島，寫嘅嘢仲官方過政府
所謂既主流傳媒都咁小家!商台係咁星島又係咁……
何氏接手之後唔係變成左報喇咩🤔🤔
