wanhoisecret
patreon
小心啲裏面玻璃心呀
🕑 Added 2019-06-28 14:55:01 +0000 UTC話說今日返伊利沙伯醫院做物理治療，當然又去八卦下關於駐院警崗突然間劈炮暫停嘅事件！警方聲稱有醫療人員對警員作出不禮貌表現包括向着他們稱呼「狗」，所以警方就「報仇」！咁事實上係咪咁呢？我就問咗知道實情嘅醫院人員，佢就同我講其實真相係，並無醫護人員直接向警崗警員稱呼「狗」，而係原來當時有兩個年輕護士喺612事件發生之後經過警崗，因為對事件睇不過眼，其中一個護士向另一個護士大大聲表示：「小心啲裏面隻狗啊！」當然明顯係想講俾佢聽嘅！我又覺得護士好有膽量喎！但聽到嗰個警察就玻璃心左啦！向自己上司投訴之餘仲鬧大到直情將警崗暫停！但透露故事俾我聽嘅醫護人員講，「講真呢啲駐院警察，一早同我地醫院醫護人員有積怨㗎啦！話說有次我喺醫院執到一張身分證，我當時係着住返工衫張身分證交俾警崗嘅警察，個警察竟然大大聲話：［唔好交俾我交俾你哋保安！］咁我就同佢講依家保安唔喺度呀嘛！個警察用激囂張嘅態度再同我講：［你咪等到保安返嚟囉！我唔想處理喎！］已之後有一次我執到兩張八達通交俾警崗嘅警察，一樣係用同樣嘅說話同態度回應我！而其他好多同事都遇到近乎一樣嘅情況，啲警員囂張唔想做嘢！你諗下我哋着住醫護人員嘅服裝都咁樣，對住普通市民咪寸到爆！」職員同我講：「其實依家警方自己停止警崗運作，我地不知幾開心，證實佢哋唔存在同存在係冇分別！」原來有咁多前科唔怪得啦！黑警真係名不虛傳！
Comments
細蟻野，就唔好煩人喇
Zeus Cho
好在而家唔見英國護照(非被偷)唔駛去差館拎報失紙ja 否則又要受氣。
聽唔少街坊講。。。執到失物拎去警署，警察都係好串唔想理。
之前睇過本書裏面有種生命叫氣球狗......宜家香港就有玻璃狗🤭
我星期四同阿媽去QE做運動, 那裏有個專幫病人去做運動的阿叔, 特登提急症室冇警察, 我話咪好囉. 他阿叔馬上話醫護人員會很危險, 説什麼黑社會人仕會搞亂急症室, 打人等等. 有個女病患便話反送中的人只顧搞亂政府部門, 阻人返工. 我剛想開口去反駁, 我媽媽馬上話只覺得年輕人很幸苦, 這麼熱，還要上街遊行. 那刻阿叔和那女士都住口了. 我頓時覺得我媽媽很可愛.
我成日諗佢地咁銀巴閉咁打得，叫佢地上戰場啦！如果真係打仗，佢地仲唔驚到瀨尿咩！蝦市民就叻！
而家的差佬仲衰過爛仔，有次返來的路改左咪問下（好有禮地）佢點去，點知黑起塊面一句唔知就算，咁你係個區做乜春？其實我算半個遊客係咪可以去旅發局投訴？
其實d差人懶都唔最近既事，我諗有6，7年前，我有個fd上的士，發現有個銀包，佢好心，想個銀包可以肯定送番俾個失主（因為銀包有大概7，8千蚊），所以無俾個的士司機，佢叫司機即時車佢附近警局，跟住打電話俾個失主叫佢去警局自己攞（我唔記得點解佢有失主既電話，可能銀包有）佢起初以為去到差館俾個銀包差佬會處理佢就走得、點知個差佬叫佢留喺警局等個失主，你地自己處理，d差佬就唔洗開file、懶到咁。我個fd企喺差館等左個幾鐘，最慘係個失主覺得我個fd 多事要佢即時黎差館。成件我個fd係無任何好處，佢仲蝕時間同錢
無法無天 好失望!
而家係性格差EQ低又無料啲人先至會做警察。
朋友做QE醫護表示 曾經喺被病人打嗰陣呢班狗係叫佢唔好告個病人 我朋友睬佢都有味，最後告得入 個朋友仲話，唔介意冇個垃圾警崗，最好俾番個位出嚟睇症添 XD
遇過唔少港警，真係幾玻璃心，不過咁證明佢地心虛，小則平時做漏嘢，大則⋯
你以為佢地唔想？
收納稅人嘅錢 , 又要與民為敵 , 究竟想點 , 噤有骨氣 , 直頭全部去做解放軍啦！原來小事唔想做 , 想做大事 , 做乜 Q 警察啫！直頭做解放軍啦！話曬叫做為國家服務嘛！宜家出曬名 , 重要 7出香港 , 國際高度關注 , 正仆街。
今日聽到醫管局高層係記者會仲要幫d警畜講好說話，真心鄧班有良知既前線醫護唔抵
慘
警察嘅心真係易碎，講兩句就嬲
作為香港市民真係覺得好無奈
我朋友做救護做過單case，4個打1個打到爆曬江，d警犬黎到迫佢簽和解書，唔係就 charge佢 集體毆鬥，勁仆街
我有親戚做急症室工作的，佢話其實撤警崗其實就不痛不癢。有喺度就方便d囉！
就算係出面d死差佬都係唔做野架啦
好仔唔當差。
