wanhoisecret
patreon
四川地震陰謀論
🕑 Added 2019-07-04 15:32:04 +0000 UTC若果大家仲有印象，六月中四川盆地長寧，發生黎克特制6.0級地震！原本呢件地震事件一啲都唔罕見，但最迷離嘅事係，當地政府同地震監察局可以預早幾秒至十幾秒知道將會發生大地震用手機訊號通知當地市民包括成都市民準備好以及離開現場！當然成件事震驚世界專家，事關到今時今日全世界除咗中國自己聲稱，係冇可能有人預測到正確發生地震時間地點，但點解中國呢次做得到呢？政府就聲稱係測試到地震波段，所以可以及時發出警號！當然我個人來講係完全唔相信，首先要知道今日其實喺附近已經又發生5.6級地震，政府冇再預測到亦都冇預告！事實上由六月中長寧發生地震之後，20日內宜賓地區已經發生左五次地震，但只有頭一次政府有預告！咁你可能問點解第一次政府預告到呢？我就認為係中國政府一次秘密嘅地下核試，所以知道幾時回贈，之後就用地震來包裝，而之後嗰四次地震就係因為地下核試引發出來的餘震！而事實上喺大陸方面，當六月中第一次所謂地震發生嘅時候，大陸專家就懷疑係因為當地近期在附近開採頁岩油而導致地震，中國政府當然又係否認啦！但係奇怪嘅地方係六月中中國政府成功預測地震咁犀利嘅大新聞其實得唔到太大國際傳媒關注，不過科學界就真係覺得匪夷所思！
Comments
幾日前南加州發生過兩次地震6.4同7.1，因為預計對羅省無威脅，預警就唔發，結果被人鬧。我話如果發預警，班友虛驚一場，咪一樣會鬧。
想起唐山大地震
咁點解之後幾次震動又偵測唔到呢?
謝謝 Ting Yu Chan 解答 👏😄
嚴格嚟講唔係預測到地震，只係當地震發生嘅時候其實會有幾種地震波出嚟，唔同嘅地震波傳播嘅速度唔同，其中一款地震波傳播得快，但係唔會造成劇烈震動；而造成劇烈震動嘅果種地震波就傳播得慢啲。當地震發生嘅時候，傳得快果種地震波已經俾地震儀測到，只要用幾個地方嘅地震儀就可以計算出震央位置，然後可以準確計算到傳播得慢但係造成震動嘅地震波幾時到，距離震央有一定距離嘅地方，係可以係震動到之前幾秒至幾十秒前收到警告。用個簡單嘅比喻，就好似有一隻雀同一隻大笨象突然間係個同一個籠到俾人放左出嚟，佢地向同一方向均速咁行，隻雀飛得快啲但係飛佢到嚟果陣唔會震到你，但係隻大笨象跑到嚟果陣就震啦，當你望到隻雀，知道大笨象行得慢過隻雀幾多同距離個籠幾遠，就計到隻大笨象幾時跑到嚟架啦。同樣嘅技術日本已經用左好耐好耐，叫緊急地震速報。
現實中的科幻電影⋯⋯
我有3個問題想知道 : 1. 地震深度究竟係唔係官方真實數據 ? 2. 地底岩層是否頂得到這些所謂地震能量 ? 3. 到底是否有核輻射會洩漏 ? 想起都恐怖 😱
真係咁叻，汶川就唔會死咁多人
深感不安
