wanhoisecret
patreon
商台真相
🕑 Added 2019-08-02 01:32:12 +0000 UTC啲人成日都以為我淨係因為私怨鬧商台，其實你唔明白我呢邊仲有好多線人，所以知道情況係幾咁惡劣，首先啲高層已經講到明要假扮好持平，講幾句口號不斷重複咁就以為商台係企係正義嗰邊㗎啦！話說琴晚同一位在職嘅商台工作人員見面傾計，佢就講咗三樣嘢起碼令我知道商台真係冇得救：一，之前大家都知道有一位年輕嘅商台新聞部女記者係721嗰日元朗採訪嘅時候比白衫人打！返到公司佢仲諗住公司會幫佢出番啖氣，點知新聞報高層同佢講：「你唔好走得咁前吖嘛！」個女記者嬲到，表示我係記者嚟㗎唔走前邊個走啊！二，原本有員工想喺商台裏面發起連儂牆，當然就被商台高層制止左啦！完全唔可以表達個人意見，原則上節目都係小駡大幫忙形式，花拳秀腿打政府可以，入肉嘅嘢關鍵嘅嘢就唔使講！三，係上個月開始就已經收起晒所有員工嘅工作證，表示將會更換商台員工嘅工作證，結果工作證收晒，不斷話製作出現問題又話轉左印廠，到琴日都未俾返工作證大家！大家都明點解啦！其實呢個台真係好核突，仲要不斷播放「講香港人話聽香港人話！」我諗佢哋係聽新香港人話香港政府話！
Comments
好撚低莊
終於今日搞到國王管轄區 。
雲海，催淚彈去到你地頭尖沙咀，小心！
毒檸王國呢排轉左時間去到深夜係咪因為咁
咁呀檸喺節目既言論咪會俾人照肺?
商台DJ竟然5號集體罷工
Ivan Chan
竟然喺公務員集會見到雲海， 真係we connect
十幾年前聽商台,已經唔鍾意當奴,覺得佢冇料扮四條, 阿占好D,起碼串串貫又好笑,但竟然升左當奴上神台,真奇怪! 所以冇再聽商台了,而家網台俾錢聽仲好仲多資訊
其實我係雲海離開左就無乜聽，個時開始轉聽網台YouTube, 世界大好多
所以轉聽網台好耐
Ivan Chan
放棄左傷台好耐，黃永正宗仆街
見住殤孽電台果d揸旗人，真係唔需要對個台有乜期望
難怪d DJ要去港台寫連儂牆🙄
估吾到商台仆街到咁！
所以我都冇再聽商台
商台真係無聽好耐了，來來去去都係果D人做，形式也幾十年如一日
我有個習慣，就係每因工作有張新嘅工作證，我都2日內scan定比自己先⋯ 🤪 方便他朝有咩需要時⋯（好過無）
我諗入面好多DJ都知真相，不過係身不由己～
不求同年同月同日生，但求⋯
不嬲最建制佢地！sina 都冇佢地咁建制
假到爆喎
新聞早已變質，連十八樓C座都變晒樣。。。已經唔想再聽。 🤬
商台老早就被收編了，係淨返少少敢言dj發聲，如果呢班dj第時唔做，而佢新請返黎嗰批又係自己人咁就慘，以後可以唔使聽
今年係商台60大壽，又咁啱撞正阿爺70大壽；咁應該知咩事啦～
無恥到咁！
吓！人工高？！
我鍾意聽森美
咁租金一定好貴，商台DJ人工都幾高，更加唔洗講高層，淨靠廣告執左好耐。
係塊地！商台擁有嗰塊地同埋隔離港台電視部嗰塊地！而家每個月收緊港台電視部戇貴租金
賣盤都未必係自願
有錢賺架咩？一路好奇電台得咁少廣告點賺錢。
當年tvb賣比大陸已經離譜， 又唔係搵唔到錢， 已經係龍頭大哥， 仲要出賣香港人， 而家得港台仲係為香港人發聲。
佢一向想賣
門口看更認架！傻瓜！
老板點解一點骨氣都冇， 一定要親共？ 因為錢賺不夠？
你一定無入過商台，工作人員從不show證
取消員工証，出入用人面識別，與祖國接軌
感其實內部員工真係想發聲，肯定仲有好多方法噶
無工作證證明 咁係咪任何人都可以自出自入
