wanhoisecret
patreon
人生太短時間太少
🕑 Added 2019-08-19 00:22:25 +0000 UTC其實本來做人都唔應該咁認真！但好可惜，可能係巨蟹座掛，我就係做人太認真！尋日都話啦我一起身就要做功課，要睇晒319頁關於FBI啱啱解封嘅UFO檔案，但其實呢個只係我最喜歡調查嘅冰山一角，可能大家都未必知，美國有個自由訊息組織，定期會send email畀我關於佢哋解封左美國政府嘅檔案，講真真係嚇撚死我㗎，範疇同文件之多根本我窮一世嘅精力同時間都睇唔晒，真係每次打開email我都要戰戰兢兢，再加上我乜嘢都八卦、乜嘢都想睇、乜嘢都想知道，咁就死得啦！咁今朝早起身諗下不宜再撳下UFO以外嘅檔案瞄瞄啦⋯⋯頂你個肺，關於CIA係伊拉克嘅外判合約我又想知、特朗普準備發展太空計劃嘅Memo我又想睇、美國藥物控制中心點樣幫藥廠抬高價錢害死病人我又想睇啲文件、甚至每一個州政府詳細到每一個個案嘅解剖報告我都想睇埋、昔日美國情報部門點樣偷聽名人嘅電話錄音系統又好鬼正、最後睇到原來CIA幾份解封文件顯示美國政府經常秘密進行萬聖節大型秘密派對，更加好想好想好想睇，.........！突然間覺得自己根本冇咁嘅時間同精神！坦白講我已經係比一般人類勤力同堅毅㗎啦！可惜我自細都唔係好聰明嘅人，睇嘢都唔算快，唯有都係繼續慢慢努力啦！不過每次見到因為資訊自由法已被解封嘅美國檔案，我就好唏噓，香港政府同中國政府從來都唔會容許呢件事發生，不過冇都好嘅，唔係我10世都睇唔晒！我已經喺呢個世界，算係用盡自己力量調查真相比大家知嘅人嚟㗎啦！都算係咁㗎啦！
Comments
雲海，辛苦你喇🙏我從網上都會搵自己感興趣嘅嘢睇，睇多好多嘢，資訊自由實在太重要喇。
多謝雲海
🙏🏻‘資’足常樂😊
我知道自己幫你唔到去睇文件 , 但係好想聽你講故事 , 唯有講句 , 衷心感謝您付出寶貴的時間同精神去細閲文件同做節目啦！🙏👍💪🙇😂😄
加油，支持
+1
感謝您！ 其實我人生好多嘅取態，都係向你學習。 當然我就無你咁叻。（認真mode)
搵叮當，佢一定幫到！ 😙😁
感謝雲海🙏
OnL9
Thank u 雲海 We count on you 😂
哇 點先可以得到呢個自由訊息組織嘅email呢😂
加油 ! 想聽爆料
萬聖節大型秘密派對我都有興趣睇喎！你介唔介意我地八卦個批都幫你手睇😌😌😌？
睇怕你要 outsource 部份 topic 畀其他人幫手睇⋯ 😵
Respect!
我覺得你可能需要將部分身體或腦部改為機械，感就可以快速download呢D資料入腦
Kel Lee
所以可以慢慢睇，耐唔耐出多幾本散打
雲海兄，全靠您既堅毅同八卦，我地先知道咁多野咋，謝謝您🙏🏻🙏🏻
Benjamen Wong
衷心多謝雲海不停提供資訊！！！
多謝雲海!
萬聖節大型派對正喎，夠晒多汁😍
