wanhoisecret
patreon
「東帝汶之旅1」（2019年9月9日）
🕑 Added 2019-09-09 08:59:45 +0000 UTC香港赤鱲角機場就好似戒嚴一樣晨早六點幾去到現場，檢查證件檢查機票登記證，到處都係封閉嘅出入口，到底係示威者影響遊客定係幾管局影響遊客大家心中有數！由於由香港去東帝汶係冇直航班機，我哋選擇咗先飛去印尼峇里島瞓一晚第二朝再出發，所以之前都講過我是先玩左$2000港紙印尼盾，竟然貶值到350幾萬！！！喺飛機上邊填入境form嘅時候又話唔准超過某一個限額入境，由於我數口差到底限制幾多呢？之後飛機上邊有廣播：唔准旅客帶超過總值10億印尼盾嘅總貨值貨幣入境！嘩大佬，我唔會帶10億入嚟囉！離開關口去訂架的士，工作人員用英文講個價錢係300個千，我真係轉唔到，一個女職員先至用國語同我講30萬，大約$23美金，我哋三個人坐都算OK啦！但有一件事我真係諗極都諗唔明，要知道20年前我來峇里島，我哋酒店相當相當貴！依家酒店相對平左好多，咁我就認為因為近十年有兩次炸彈爆炸會影響冇乜遊客會夠膽過嚟啦！點知全班飛機滿晒，排隊過關啲遊客多到你唔信，機場出邊接機可以用墟冚來形容！點解原來咁多人會繼續嚟峇里島呢？仲要已經過咗暑假時期！
Comments
Bali 幾時都受遊客歡迎㗎啦，尤其是去唔到馬爾代夫的多數去Bali! 好多名星仔係度搞婚禮！
回教國家應該唔關啲唔見得光嘅行業事嘅～
