wanhoisecret
patreon
「東帝汶之旅8」（2019年9月11）
🕑 Added 2019-09-16 23:07:00 +0000 UTC由首都帝力揸車去到東帝汶最東端，途中我哋都會短暫停留當國第二大城市Baucau食一個lunch，但係食午飯之前我哋途經一間大教堂，我就要求參觀一下先；話說Baucau 大教堂建於1933年係葡萄牙人所起，傳統歐洲建築，入去嘅時候就撞正一個Brother，打咗招呼問准就入教堂參觀，教堂內部最有趣嘅事耶穌個雕像係有兩個長予拮破流血嘅位置，有少少違反聖經啦！參觀完教堂就順便借廁所用，廁所位於旁邊天主教學校裏面，兩位女士先用，到我用完出嚟嘅時候就見到幾個細路同朋友傾左陣計，當我出嚟嘅時候，其中一個我相信得三歲嘅男仔竟然主動走上嚟同我Hi-Five！哇！嗰種純樸天真真係唔知10幾年冇見過，於是乎我哋就上車攞咗啲我哋預先香港帶嚟嘅一包包糖，入到課室一粒粒派比佢哋！講真其實我唔係好鍾意細路哥，但呢班細路真係好可愛好得意，全亞洲最窮嘅國家可能啲細路先至係最開心！😚怪叔叔今日都溶化了！
Comments
大概東帝汶無怪獸家長，小朋友先可以咁開心
香港小朋友的防備心比較重，都係環境做成。
